Петар Печков

Објавено: понеделник, 08 април 2013 562 280

Општинската изборна комисија за Лозово  ги соопшти официјалните но не и конечни резултати за вториот круг од локалните избори за градоначалник. Победи кандидатот Орце Цветковски  на коалицијата  ,,За подобра Македонија,, предводена од ВМРО-ДПМНЕ со  освоени 991 глас  или 54,33 отсто  од гласовите. Кандидатот Ацо Велковски  на опозициониот ,,Сојуз за иднината,, од редовите на СДСМ освои  796  гласа или 43,64  отсто.

Во вториот круг излегле  1,824  гласачи што е висок  одѕив од 85,27 отсто а во гласачките кутии имаше 37 неважечко ливче. Така во сите соседни општини, како и во Велес, на овие локални избори победија кандидатите на ВМРО-ДПМНЕ. Претходно во Градско градоначалник стана Жанета Чаушевска а во Чашка Горанчо Пановски.